Plantun de Prouvènço

Pèr coumpara dos planto d'encò nostre

Symphyotrichum subulatum & Athyrium filix-femina

Symphyotrichum subulatum

Asteraceae Compositae

Nom en français : Aster écailleux.

Descripcioun :
Aquesto planto que nous vèn de l'Americo dóu Nord, trachis dins li champ e li relarg umide. Douno d'èr à Erigeron canadensis, mai emé un cambo mai ramificado, mens de flour, sènso péu e verd sourne. Li fueio soun primo e un pau loungueto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphyotrichum
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero - Champ - Escoumbre e proche dis oustau
Estànci : Termoumediterran à Mountagnard
Couroulougi : Pancaro entresigna
Ref. sc. : Symphyotrichum subulatum (Spreng.) S.D.Sundb., 2004 (= Aster subulatus, 1803 Michx. )

Féuse(-feméu)

Athyrium filix-femina

Athyriaceae

Nom en français : Fougère femelle.

Descripcioun :
Aquest féuse trachis sus siliço e au nostre se rescountro subretout en mountagno souto li mele e li sapino. Douno proun d'èr au féuse-de-cabro, Dryopteris filix-mas, mai li foundo soun eici tres cop descoupado e subretout emé de soro en long e noun pas en round. L'indusìo se vèi bèn.

Usanço :
Lis indian d'Americo n'en manjavon lou rizoumo pela e rousti. Aurié d'ùni prouprieta en raport emé li règlo e l'acouchamen, d'ounte lou noum.